|
ԱՎԱՐՏՎԵՑ ԲԱԴՄԻՆԹՈՆԻ ԱՇԽԱՐՀԻ ԱՌԱՋՆՈՒԹՅՈՒՆԸ
Չինաստանի Նանկին քաղաքում հուլիսի 30-ից օգոստոսի 5-ը կայացավ բադմինթոնի աշխարհի առաջնությունը: Հետաքրքրական է, որ 2017թ. չեմպիոն դարձած մարզիկներից և ոչ մեկը չկրկնեց հաջողությունը: Այս առաջնությունում ճապոնացիներն արժանի մրցակցություն ցույց տվեցին չինացիներին. եզրափակչում 2 զույգ խաղացողներ էին Չինաստանից և Ճապոնիայից, որոնք էլ իրենց երկրների համար վաստակեցին երկու ոսկե և երկու արծաթե մեդալներ: Միակ եվրոպացին, որը մասնակցեց եզրափակչին և հաղթեց՝ իսպանացի Կարոլինա Մարինն էր, ում հաջողվեց վերադարձնել աշխարհում լավագույնի տիտղոսը՝ 2014-ին և 2015-ին հաղթելուց հետո: Կանանց զուգախաղի եզրափակչում պայքարն ընթացել է ճապոնական երկու զույգի միջև, ինչն էլ առաջնության ամենալարված հանդիպումներից մեկը ստացվեց:
|
... |
© Հ.Մինասյան